香港動漫文化大典
尚未註冊？
註冊
Advertisement
註冊
分類: 爆笑管家、​有參考來源錯誤的頁面

爆笑管家第一輯第14-26集語錄

編輯

注意：這不是一個完整頁面，因為主頁面爆笑管家太長故此拆分子頁面，否則會慢得無法修改。請勿在此頁面加入<references>標籤。

第十四集 《咪住，咪住呀，要去P喇！仲唔快啲行！》[1][]

播放日期：2010年1月16日
  • （天音）哩個故事，講述一個好似疾風嘅少年，用人生嚟玩過山車，感受剎那嘅光輝唔係永恆嘅滋味！[2]
  • （雪路）哩次真係玩出火啦，雛菊A夢，求你幫吓我啦！[3][4]
  • （雛菊）聽住呀家姐，敲門哩樣發明仲偉大過「攞你命三千」呀！[5]
  • （雪路）你唔使擔心我㗎，你個女成日睇《警訊》，咩嘢騙案都呃唔到我，就算係祈福黨、寶藥黨、Jim Jim、Ming Ming都無有怕！
  • （雪路）呀好味呀！豆沙包果然係最好味。／（雛菊）你覺唔覺得你同某隻藍色嘅機械貓好似呀？[6]
  • （雪路）咪用呢種方法透氣啦，「Dark Side」喺度擴張緊呀！
  • （雛菊）今次陪你過嚟，唔係幫你補鑊，而係以白皇學園學生會會長哩一個身份解釋件事，維護學生會一己之見[7]嘅宗旨咋！
  • （雪路）小小意思，只係幾個御崎市嘅蜜瓜包嚟……我諗咗好耐，揀佢好定係揀PantＸsia嘅綠龜包好！[8]
  • （古拉斯）睇吓佢哋兩個放晒閃光彈[9]咁款，一定係因為今次合格嘅事令佢哋好開心啫！
  • （雪路）我只係肚痾、嘔奶、消化不良、感冒傷風、夜睡不寧、神經緊張[10]，執劑川貝、枇杷、桔梗、蜂蜜[11]得㗎啦。
  • （凪）激氣呀，哩個古拉斯真係呀，我本來想搞一個淨係得我同你嘅cosplay私影party架咋！
  • （颯）如果桂老師係我班主任嘅話，嚟緊個學校生活實會慘過滾水淥豬腸[12]。妳實會搞到我仲無尊嚴過阿虛[13]，淨係諗都feel到好不安呀。
  • （雪路）就咁啦，我決定將唔合格哩一件事吞落肚，唔提等於唔存在[14]！
  • （雪路）我桂雪路天不怕地不怕，最叻攪切榨。／（雛菊）你究竟知唔知自己喺度講緊啲乜嘢呀？／（雪路）我就梗係知啦，「知之為蜘蛛，不知餵蚊螆[15]」丫嘛。
  • （美希）但係，失敗乃成功之母，你會有好多阿媽㗎！／（理沙）就算你再次被踐踏，你都要好似小公主Ｘ拉咁企番起身，重新振作！
  • （學生會三人組）烈士，致敬！
  • （颯）照哩份嘢睇嚟，我似乎做咗水島精Ｘ，考試肥咗佬。
  • （天音）下一集阿颯同一眾後宮「打」得火熱呀！[16]
  • （管家通訊）（凪）早午晚安呀[17]，我係三千院凪。
  • （管家通訊）（凪）幻想戰士，Go！

第十五集 《只差一分嘅武士，第一天返學》[]

播放日期：2010年1月23日
  • （天音）呢個故事，係講述一個身為管家嘅少年，終於都可以再一次返學，展開佢後宮學園[18][16]漫漫長路嘅第一步。
  • （颯）係呀，我而家終於都明白點解《Frontier》入面嗰兩個歌姬會無端端喺最後嗰場大戰度唱《Lion》啦！／（凪）唔明都無所謂丫，橫掂畑先生[19]都唔會叫你唱人哋啲歌㗎啦。／（瑪利亞）要作新歌同港版主題曲一樣，填詞編曲都唔簡單㗎。
  • （凪）因為我以前曾經跳過級，所以我而家已經係高中生嚟㗎啦。／……／（颯）之但係咁樣咪好似《笑園漫畫大王》……[20]
  • （凪）家陣阿虛上身咩你，做乜係咁窒人喎？[13]
  • （瑪利亞）嘻嘻，白皇學園有好多學生帶住個我的帥管家[21]㗎，又多跳級生喎，甚至有未來人同外星人[13]添。
  • （颯）可以快啲到星期一咁就好啦。／（天音）因為時間關係，星期一嘅內容有得睇啦。咦？乜咁似《今晚食乜餸》嘅？[22]
  • （瑪利亞）乞嗤！弊啦，係咪豬流感[23]？
  • （凪）總之喺哩間學校呢，唔理係跳級生、轉校生、定豁免學費嘅特別生[24]，都背負住提高學校嘅成績、校譽同埋入U率[25]哩啲咁嘅使命嘅。不過哩啲學生成績有啲咩嘢差池呢，就要冧班同埋受嚴厲處罰，啲咩嘢「求學不是求分數」呃你㗎咋。[26]／（颯）……話晒哩間係名校，好多人都已經係鋼琴八級、游水五級、攝影四級[27]，我係掹車邊先至入到嚟讀㗎，真係可以應付得到咩？
  • （冰室）哼哼哼……喺戰鬥嗰陣，一定要預測埋對手嘅之後第二第三步點樣行，係紅色三倍速[28]講嘅！早起身嘅雀仔果然有蟲食，居然撞到啲咁騎呢嘅人。／（颯）如果我話「你先騎呢」好認真咁窒返你咁我係咪輸咗？[29]／（凪）似乎係喇。
  • （冰室）身為入到白皇嘅執事，連哩啲小事都做唔到咁點得㗎？[30]
  • （颯）你放心啦，我一定會 good good study 嘅！[31]
  • （雪路）佢（颯）簡直型英帥靚正呀！……就好似木Ｘ拓哉同瀧Ｘ秀明嘅DNA加入小Ｘ切讓嘅身體度，加埋湯告魯Ｘ同畢比Ｘ嘅感覺，只要聽到佢把聲會令你暈低，對眼一望你就有電親嘅感覺，簡直可以話係名副其實嘅女殺手嚟呀！而且佢係三千院家嘅管家，佢同多啦Ｘ夢嘅出木杉一樣，都係十項全能㗎！
  • （颯）哩種就係逆境？喺間畀冰佬[32]freeze咗咁鬼寒嘅課室度，講咩嘢自我介紹呀？
  • （天音）今時今日要咁嘅服務態度至得嘅[33]，哩點佢（颯）熟晒𡀔！
  • （凪）因為學校哩度實在有太多人啦，我淨係想喺好安靜嘅地方，每日都不停咁追新番[34]，睇漫畫，同埋打機，仲有上網咁咋。
  • （凪）我跳級都係因為唔想跟六年小學初中高中大學三三四咁返學咋嘛。
  • （凪）喺我啱啱讀高中嗰陣，有段時間我都諗過覺得自己唔可以咁摺[35]成個家裏蹲咁。
  • （凪）我覺得自己係零[36][37]，係零之Louise嘅零[38]。
  • （颯）吓？呢度就係白皇劍道部呀？／（凪）咁都仲使問嘅？唔通哩度係《劍道甜心》嘅劍道場嚟咩？
  • （颯）飛天……／（東宮）咪住呀！再講就因為版權要畀錢隔離台㗎！[39]

第十六集 《輸咗都係魔劍道》[]

播放日期：2010年1月30日
  • （天音）呢個故事，係講述一個好似疾風的少年，畀個唔識死嘅笨蛋挑機，被迫要喺一場測試做主人的召喚獸！[40]
  • （颯）好，我都要化身做「風之魔劍」！[41]
  • （凪）下、左下、左，再撳K掣！／（雛菊）你以為係「龍Ｘ旋風腳」咩？[42]
  • （楓）男人就算打唔贏對手都要奮戰到底，但係你翹埋對手完全試都唔去試，淨係識等人哋幫手，簡直仲無用過野比大雄！
  • （楓）是咁的[43]，我哋做管家嘅唔係主人嘅工具……
  • （太郎）就好似高達之所以係高達，係因為佢係不斷戰鬥嘅高達！[44]
  • （太郎）我哋決鬥啦，三千院！……要主人對管家嘅話根本就唔Match，配音都講對嘴啦[45]，所以應該係主人對主人，管家對管家，咁樣打法先至叫做Match！／（劍道部部眾）呢隻嘢無事呀話？畀支Ｘ覺脫佢啦！[46]
  • （間場）（楓）劍尖同四葉草嘅故事[47]／（太郎）是咁的[43]，幫吓我呀！
  • （天音）係啦各位觀眾，千祈咪學啲動畫角色咁唔戴面罩呀，出名劍客金野鈴Ｘ助都係嫌麻煩先無畫嘞！[48]
  • （颯）好快呀，唔通佢嘅臼齒度裝咗加速裝置？[49]
  • （冰室）身為一個一流嘅執事，如果連一兩招必殺技都使唔出嘅話咁點得呀？[30]
  • （凪）你講嘅必殺技，係咪啲好難chok嘅招，例如係龍Ｘ亂舞或者百鬼猛Ｘ劍嗰啲呀？[50]
  • （楓）聽講三千院家嘅管家仲好打過楊過噃喎，乜原來係流㗎？
  • （凪）阿颯，我相信你㗎，你一定可以chok到啲好犀利的招[51]，例如係水牛人嘅筋Ｘ Buster[52]嚟向佢反擊㗎！
  • （冰室）身為一個執事，如果連擗喺地下嘅垃圾都置之不理，從沉溺中結疤再發芽咁點得㗎？／（颯）吓？被世界遺棄不可怕？／（冰室）我噏歌詞啫，唔係叫你接呀！[53]
  • （凪）好似乜嘢動感死Ｘ[54]呀，或者裏蓮Ｘ[55]呀，或者高Ｘ奈葉嗰招星光爆Ｘ[56]之類呢。 ／（颯）……我唔係鹹濕嘅五歲細路[54]，又唔係粗眉冬菇頭[55]，更加唔係咩時空腐女局的白色惡魔[56]嚟喎。
  • （波波）喵～我叫縫板大何喵～[57]

短篇環節[]

正篇故事後的多個短篇環節粵語配音版是對多個無綫節目、香港電影，甚至是香港時事的惡搞，因為對白相當多，只節錄一小部分：

  • 《古拉斯嘅管家閒情，萬歲》等我黎個<棟篤齋坐扮嘢show>先，<終極x國>嘅扮嘢show，我嘅乖仔呀。[58]水銀獸嘅扮嘢show，係人類教識咗我親情依樣野。[59]<孤星x>嘅警長扮嘢show，人係唔會改過自新嘅。[60]一代宗師黃飛鴻嘅扮嘢show，阿七，阿寬，仲唔快d去煮...飯。[61]...古拉斯嘅斯，詩仙李白嘅白，白井黑子[62]嘅子，子……
  • 《穿越世界嘅世界列車，下一站係……[63]》下集係富貴門同玉璽住客先會坐嘅西Ｘ龍高鐵站。[64]
  • 《狗狗日記》
  • 《古拉斯嘅更上一層樓》[65]
  • 凪看《少年Xxxday》

第十七集 《為咗你我要橫掃千軍推倒一切》[]

播放日期：2010年2月6日
  • （凪）今集，為咗紀念偉大嘅第十七集，哩三十分鐘都會播我畫嘅漫畫，仲好睇過《阿凡Ｘ》㗎！我嘅作品比起庵野嘅《心動季Ｘ》更加令人心動呀，連SXS團超嘅超監督[66]都比唔上我嘅才華！／……／（凪）喂呀，你點可以睇少十七㗎！《天才麻Ｘ少女》嘅天江衣就係喺第十七集將池田嘅點數整到零，而《初代高Ｘ》嘅李阿寶都係喺第十七集……／……／（凪）《初代高Ｘ》第十七集仲有馬茜嘅殺必死呀！／（颯）嗰集係第三十七集，第十七集係美莉呀！
  • （天音）呢個故事，係一個少女版嘅《爆漫》，為咗自己嘅漫畫投稿得獎，少女展開咗一連串估你唔到嘅Big service！
  • （天音）其實少女知道嘅，無論六十三個八，三萬[67]，七百億[64]定幾多錢，都有嘢買唔到嘅！
  • （凪）點……點樣呀？哩個係我嘅最高傑作嚟㗎，但係連亞太區最受歡迎獎都無，橫睇掂睇都好唔妥啦吓嘛？[68]／（颯）但係……句句對白都九唔搭八，啲人睇得明咩？／（凪）周星星都係咁樣先咁潮㗎咋！乜你feel唔到我畫嘅嘢係企喺時代嘅尖端㗎咩？／（颯）如果話跌咗落時代嘅「尖啄」咁我都feel到嘅……
  • （凪）真係激死人呀！就係因為嗰啲無能嘅評審將新人嘅幼苗通通摧毀晒，都唔識得點樣護苗㗎！
  • （凪）呢啲都係我呢個成長環境太有錢嘅錯咋！我唔似尼路同馬高咁出身係超貧窮家庭，亦都無莎Ｘ公主嗰啲喺幸福嘅頂峰跌落谷底嘅經驗[69]，所以我先至創作唔到……嗰種可以令到全部巴打同絲士打[70]都喊晒口感嘅超感動故事出嚟啫嘛。
  • （颯）我十三歲嗰陣時呀……無錯係啦，嗰陣時我應該係打緊一份個名叫做「代打」嘅工呀。／（天音）所謂「代打」，就係為咗趕走嗰啲好似可信兄弟[71]咁親切嘅人，而幫手落場，同嗰啲人打麻Ｘ[72]……／……／（颯）都無咩特別啫，我成日都要cos宮永咲練得一手好技術㗎[73]。
  • （凪）喺哩間屋出面嘅嘢，淨係普通史萊姆嘅經驗值㗎啫，但係我要嘅係，金屬溶液史萊姆嘅經驗值呀[74]！
  • （凪）上啦，Ｘ風魔帚！[75]
  • 你想買嘢呀？但係，就算你喺eＸay度bid嘢都有可能會有啲嘢係買唔到噃喎。
  • （古拉斯）哩一度係（儲物室）我用嚟畀自己休息嘅地方嚟，無得出場嗰陣就會沈醉喺呢個偽術真相[76]嘅國度，咁先可以養精蓄銳。
  • （凪）我個花園唔通有個異次元空間連住，會走隻莫哥拿[77]出嚟？
  • （伊澄）呢啲係阿凪你沖嘅紅茶呀？／（凪）係呀，我加咗胡椒粉去吊味㗎，呀唔係，要講「神奇粉」先至唔會畀人cut嘅！[78]
  • （颯）將大吉嶺紅茶、藍山咖啡、玄米茶撈埋一齊，居然會有營Ｘ撈麵[79]嘅味道嘅？點可以攞《伙頭仔Ｘ布》[80]入面整嘅茶畀伊澄小姐飲㗎？
  • （凪）睇嚟我唔使問劉德華，都識得點樣接待客人喇！[33]
  • （凪）好啦，能力越強，責任越大[81]，等我接待多啲客人啦！
  • （亙）佢都係cos俄羅斯方塊啱啲！
  • （亙）哩個……唔係人類抹殺計劃[82]呀嘛？
  • （颯）如果畀客人批評嘅話，一定會令大小姐心靈受創，排毒困難，唔可以畀哩啲事發生！
  • （美希）少少鹹，多多脆[83]，食落口甜絲絲[84]，好似雪人融化噉，太陽出來了[85]，煎炸唔同啲！
  • （理沙）食物嘅粒子喺口腔入面發生咗核連鎖反應，我就好似鏡音妹妹咁樣爐心融解呀[86]！
  • （颯）世界上有啲人，連一個作品都無堅持畫到尾，話乜嘢外出取材，再唔係就交草稿……[87]
  • （颯）世Ｘ Saturn黑色機？哩個係拯救八次元地球嘅關鍵，跟住落嚟就可以攞到超級巨聲冠軍。因為咁我要嘅第四宇宙神通訊券售賣機，已經喺Yaxoo度bid咗啦。
  • （天音）喺下一集，將會係鼠×龍[88]嘅世紀大激鬥！呀原來唔係喎，由於某人嘅惡趣味關係改為泳裝特輯。

第十八集 《抽中一張一粒星嘅泳裝稀有卡》[]

播放日期：2010年2月13日（PG）
  • （天音）呢個故事，講述一班唔同年紀既人一齊參加夏令營，柴娃娃咁體驗一下青春級[89]既享受。
  • （凪）咁快就放暑假？乜呢套嘢既時間線咁亂架？（颯）製作單位話係因為全球暖化，呢樣係天氣既錯。
  • （天音）參加海濱學校既人真係得咁多。因為報團費用貴到無朋友，唔係製作單位想吞POK呀。
  • （學生會三人組）嘩係海雲呀！雪路你都一齊嚟睇海雲吖！（雪路）係雲海。而家扮小新掉轉啲詞語呀？
  • （天音）蔚藍既海洋、潔白既沙灘包圍既唔係啲乜野「日出堆填」[90]樓盤而係南方既白皇島。
  • （雪路）喺我右手邊有座一比一既膠達…
  • （凪）點解今集成日出現啲唔關事既畫面架？（颯）係咁今次既雛菊控[91]又要慢慢CAP圖喇。
  • （舒密）為咗要Create一個開心鬼嘅暑假，我會鼓足幹勁、力爭上游[92]、為人民服務。
  • （天音）絕對空虛[93]房間…（泉）好似得我地三個一間房咋…（理沙）唔通係因為我地三個包尾？（美希）咁樣可以告佢歧視架喎…
  • （舒密）呢部富野ZAMBOT史拉弗係韻律泳專用型…（雪路）咪學笨大[94]譯埋啲咁難聽既名呀實激嬲觀眾架。/.../（舒密）ZAMBOT XOON ATTACK！
  • （凪）衰人呀！睇《人偶師》定睇《木偶奇遇記》睇上腦呀？
  • （舒密）夠鐘食晏喇，放心，唔係食藥呀。
  • （舒密）呢部唔係蘭斯Ｘ特[95]呀！
  • （凪）你估J2愛搞作咩，使唔使咁多花臣呀！
  • （西澤）You are the one, I say yes, First……First kiss?[96]
  • （學生會三人組）嗚…（雪路）南瓜三姊妹[97]。（三人組）南瓜三姊妹？
  • （凪）估唔到白皇既海濱學校，就算有福都唔到你享[12]。
  • （古拉斯）唔使用劍嘅，用「黑旋Ｘ」就得啦！[98]
  • （舒密）你哋唔要海濱學校咁我唯有去大角咀Create地底冧樓學校囉~[64]

第十九集 《沙希小姐嘅公務 全國版》[]

播放日期：2010年2月20日
  • （颯）乜哩套電影咁似新房昭之出嘅？
  • （凪）哩啲咁唔科學嘅嘢信佢一成都失明啦。
  • （天音）我天音都聽人講過話被詛咒嘅錄影帶即係《午夜凶……》
  • （天音）呢個故事，講述一個人細鬼大嘅正太，要買嘢氹佢嘅女僕，編織一個可歌可泣嘅交響人情夢[99]！
  • （亙）哩個阿凪真係丫，成日都過期嘅，不過押Ｘ守嘅戲又淨係睇一次真係唔係好明嘅。
  • （凪）唉呀，唔掂呀唔掂呀，咁即係《鬼太郎》嗰隻眼球鬼嘅level嚟咋，要畫啲仲得人驚過下胃姨出攬枕嘅嘢先得呀！
  • （亙）哩啲呃人嘅無聊垃圾片，居然會有人想睇喎，又唔會真係有貞Ｘ[100]喺電視嗰度爬出嚟嘅。
  • （亙）誠信同名譽對我嚟講唔係浮雲！[101]
  • （凪）要請教人嗰陣就唔該你記住哈Ｘ[102]對紅色三倍速[28]講嘅嘢，注意吓你講嘢嘅態度呀！
  • （亙）可唔可以話俾我知一套振袖和服大約要幾多錢呀？／（凪）咁一定貴唔過買兩架法Ｘ利嘅。
  • （天音）cos緊陰陽師[103]呀！
  • （颯）如果真係有曱甴，我就做來Ｘ俠[104]嚟返場小強一掃光[105]嘅殲滅戰！
  • （天音）貴島麗好掛住失蹤好耐嘅女同埋女婿……就帶住沙希向世界出發，去保護醉拳甘迺迪同鐵拳無敵孫中山[106]，又會智破名偵探解開謎女王解唔到嘅謎，仲整煲連韜韜都話好味嘅美食，將嗰啲俾皇帝虐待好耐嘅平民百姓拯救出嚟！
  • （天音）貴島麗同橘圓京相識之後，貴島麗為咗報答哩份恩情，就替僕行道，儆惡懲奸[107]！
  • （天音）順便一提啦，其實沙希爸爸媽媽住喺上野，大家唔使call特警成嚟搵人！
  • （颯）四川絕學，踩住石頭過河！[108]
  • （古拉斯）肥料撈咗金坷Ｘ鮮花畝產一千八，果然開得好密仲特別香添噃！
  • （機械警衛甲）噴射Ｘ流攻擊[109]！
  • （天音）人哋（蟑螂怪）叫基拉大和[110]呀！
  • （颯）居然用外掛？唔准你傷害瑪利亞小姐！
  • （伊澄）用金手指嘅小弟弟[111]已經返左自己屋企啦！
  • 我有兩套《超Ｘ戰士》嘅DVD box，我搵咗好耐㗎，送一套畀妳（伊澄）呀。……你要記住留意主角萩野呀，因為佢同演《龍Ｘ》嗰陣嘅淺倉完全唔同㗎！
  • （沙希）睇唔出你內心係咁黃咁暴力㗎！
  • （凪）呀！咩聲嚟㗎？點解好似北韓放飛彈咁嘅？
  • （管家通訊）（凪）哩排真係熱過熱血最強呀！
  • （管家通訊）（凪）我想講呢，如果出面好熱，咁匿喺房度開行個冷氣，一路打online game一路聽我啲角色歌就係最佳享受呀！歡迎加入NHK！／（颯）唔得㗎，做隱青係唔健康㗎！

第二十集 《娃娃愛天下，鬥戲連唱鬥一番》[112][]

播放日期：2010年2月27日
  • （颯）大小姐居然唔使人叫咁早就起咗身仲話要返學添，大小姐唔係食錯咗大頭BB奶粉呀[113][37]？況且今日開始放暑假，雖然唔會重覆八集[114]……
  • （天音）呢個故事講述兩個為愛情角力嘅少女為咗自己心上人，誓要成為K歌之王[115]嚟贏得愛人歸！
  • （雪路）就係咁嘅樣，乜都唔駛撈就至理想[116]
  • （泉）不如我哋去捉甲蟲王者丫，好唔好呀？／（理沙）去海底鬼岩城探吓險都好喎。
  • （瑪利亞）你啲咁唔準嘅直覺，唔該即刻用直角斬[117]殲滅咗佢！
  • （颯）雖然我都一樣係咁諗呀，但係教育部門都成日叫人趁暑假自我增值吓，如果有啲類似《葵花寶典》之類嘅必殺技秘笈咁就好啦。
  • （颯）讀書可以令人靈感IQ都十分之高超[118]㗎！
  • （颯）有Mango CG[119]插圖，一睇就明啦！
  • （凪）咪扮財爺啦[120]，快啲去做嘢啦！
  • （凪）唔好叫我做師父叫到老晒呀，你就叫我東南西北中方不敗[121]啦！
  • （凪）示範一：令到敵人畀天壤劫火包圍嘅奧義！……／（颯）呀……係啦，咁跟住之後係咪要用天破壤碎嚟畀佢顯現喺現世度呀？[122]
  • （天音）咁咪學呀，Kero。
  • （凪）白癡㗎，哩啲咁嘅嘢邊有可能出到街喎！……哩啲嘢實畀綠壩娘河蟹啦！
  • （凪）書入面嘅嘢多數係唔三唔四嘅，不過都寫咗點樣用氣、華山論劍哩類正經嘢㗎。
  • （凪）係呀，只要努力嘅，阿颯你都會變成春日野櫻[123]咁樣㗎！
  • （颯）為咗雛菊小姐，我一定要try my best[124]！
  • （凪）阿颯你正一係超級無敵大腦殘！
  • （雛菊）唔得呀，唔得呀，唔可以咁㗎阿颯，你已經有阿凪哩個重要嘅戀人㗎啦！／（颯）你喺度講乜嘢？雛菊小姐，颯雛配先至係王道呀！唔信嘅你睇吓啲forum！[125]
  • （西澤）講起上嚟……點解阿颯會喺一間重大過海馬公園個大屋度㗎？重有呀……嗰個女仔究竟係邊個嚟嘅呢？見到阿颯嘅話我有好多嘢想問清楚，我有說話未曾講[126]……
  • （西澤）吓？你就係嗰間豪華大屋嘅主人，喺阿颯絕境嗰陣收留咗佢，然後仲請咗佢做你嘅管家，大家住喺同一屋簷下？……／（凪）Sayonara[127]咯倉鼠，你唔好再行近我個大宅門啦！
  • （凪）呵～傳說中嘅K房呀？原來小此佢哋每集片尾都係喺哩種地方嘅～[128]
  • （凪）拍得住樂壇歌手嘅，我指東方之珠嗰個。[129]
  • （西澤）只要我認真些少就實搶番阿颯走，到時唔駛睇《Macross》，憑我歌聲都可以拯救到阿颯！
  • （西澤）我見到佢（凪）成個《唱Ｘ小魚仙》咁嘅款[130][131]，應該係話佢……真係唱得好好呀！
  • （雛菊）讀書報告同埋英文作文都已經做完晒啦。／（天音）我諗得佢一個會咁做㗎咋！大家都要Don't say lazy[132]做晒啲作業呀。

第二十一集 《嘩嘩嘩，小8又打到嚟！》[133][]

播放日期：2010年3月6日
  • （天音）呢個故事，係講述一個叫T8[134]既機械人，抱住被打敗既怨恨，喺唔搵閻魔愛[135]既情況下親自報仇！／（颯）嗰個叫T8既機械人係咪Kururu[136]既新發明嚟架？／（凪）人哋好似話T FOR Transformer喎！
  • （颯）我又唔係換衫公仔使乜幫我換衫喎…
  • （颯）呢…呢…呢度咁似MJ間屋既？／（天音）是咁的。[137]
  • （颯）三千院家果然係個仲勁過五星家嘅家！[138]
  • （颯）難為班窮學生想買部PS3都要儲錢，你哋就咁輕鬆…
  • （精靈）我係凪凪樂園呢度既妖精，個名叫住唐狗養番樓。／（颯）呢個名好摟打…
  • （凪）即係話呢度既機動遊戲基本上我都唔使旨意玩到。／（颯）呢個恰人佈局仲勁過天仙局呀。
  • （精靈）終於有人玩到喇！求其唱首兒歌助下興喇喂！
  • （颯）入咗嚟鬼屋真係好似做咗鬼太郎咁喎！[139]
  • （颯）恰我唔係新人類呀？
  • （颯）呢個關頭製作單位應該准我用呢招架喇！就算唔准都要用！天龍座Ｘ龍[140]最強既招式，廬山…（天音）都係唔睇得！咦有靚女喎
  • （小8）嘿嘿，呢度簡直係「暗若黑檀，萬物吞滅」[141]，你睇我唔到既！而家你已經肉隨砧板上喇！準備等冇命啦！
  • （天音）雙方似並行直線[142]，陣間繼續啦！
  • （牧村）開動GOLDEN HAMMXX[143]／（天音）呢度都係要自主規制…
  • （牧村）有咗佢（看護機器人），老人家就唔使用平安鐘喇！
  • （凪）今日我幫阿颯做咗咁多嘢，人哋話「攻比受」[144]，定唔知施比受更有福呢……
  • （波波）本大爺喺你除掉痛苦災禍[145]嗰陣成日都會上網重溫我地既OP1，因為係本大爺每集出場既地方嚟
  • （颯）乜佢有出現咩？呢部機械人／（天音）喺佢(小8)隔離既可信兄弟就真係long time no see咯~
  • （小8）點解，你係一隻寵物小Ｘ靈咋喎！／（波波）你隻八兩金同我收嗲……
  • （天音）係喎，啲衰蚊專揀夏季出沒，為咗令主人可以安心瞓覺，爆菊牌蚊香[146][147]係唔可以缺少嘅！

第二十二集 《武藏、小魚郎，我哋係釣魚兵團！》[148][]

播放日期：2010年3月13日（PG）
  • （凪）阿颯佢又去咗做早操呀？／……／一朝早就咁練法，你估六十歲阿伯朝早落街晨運咩？
  • （瑪利亞）咩事都全力以赴做到最好[149]，係佢優點嚟架。（凪）優咩點丫！人哋個口號都變左十幾年啦！……見親小狼實有小櫻[150]架嘛，有乜理由暑假就完都唔陪我多啲㗎！真係丫，呢個阿颯個腦究竟裝乜架？
  • （瑪利亞）古拉斯先生，你好似開始有啲形象崩壞咁喎。（古拉斯）我無食同心圓椰菜[151]㗎！（瑪利亞）我唔係講作畫崩壞呀……
  • （天音）呢個故事，講述一個主人同佢既管家喺尼斯湖嗰度釣魚，參與驚濤駭浪同波平如鏡既激戰！／（古拉斯）我係古拉斯，今集得咁多。吖我唔係卡達隆成員。
  • （凪）個湖直徑得兩公里左右之嘛！只係一個蚊型既湖嚟之嘛！（颯）吓……隻蚊好大喎！
  • （瑪利亞）……而且老爺放左姓瀨戶既人魚、龍蝦小兵、河蟹等等好多海產入去㗎，所以個湖都算係個小小嘅宇宙。
  • （瑪利亞）好耐都未試過話唔使諗今晚食咩餸而齋釣魚喇。（颯）三千院家啲海鮮選擇乜多到要諗呀？咪話我聽我食過人魚肉[152]呀…
  • （凪）頭先湖度出現咗啲好巨大既嘢呀！／……／一定係個湖嘅KING'S CHAIR[153]呀，唔會有錯㗎！／……／阿颯你就留喺度釣馬倫同MO仔[154]啦，我就去釣嗰個KING'S CHAIR俾你哋睇呀！
  • （颯）沖涼真係好呀……沖涼可以滋潤心靈，係LILIN文化既極緻。[155]
  • （波波）真係吖，你成日都逃避同其他人接觸嘅？同其他人接觸乜真係咁得人驚咩？[155]／……／（颯）唔好扮渚薰呀！
  • （波波）而家係浸熱水唔係浸橙汁呀，唔夠熱點得呀！／……／呢個掣……無錯喇喵！哎吔，搞錯呀，隻手有舊肉撳唔到個掣度嘅喵？[156]
  • （颯）俾瑪利亞小姐見到Chobit個開關[157]失禮死人喇……／我已經係眾望所歸無得留低，要執包袱扯喇！[158]
  • （颯）三千院家既熱水爐，動力係來自阿Ｘ拉？（波波）就連鍋爐爺爺[159]個熱水爐都無得fight呀。

第二十三集 《唔識魔法既天才老師嚟咗喇》[160][]

播放日期：2010年3月20日
  • （颯）開心時候過得特別快，又係時候同HOLIDAY MOOD講拜拜。
  • （凪）一定要鬼打都無咁精神先可以請假。如果我少少燒就請假，我仲點可以話自己係家裏蹲之王[37]呀？
  • （天音預設稿）（牧村）有咩問題呀，東宮同學？（東宮）老師，頭先嗰段天音…（牧村）要NG？唔使呀。（小8）今集用返預設版呀？[161]
  • （雪路）雛菊A夢[3][4]
  • （雪路）講起就扯火喇，你家姐就俾人炒喇！[162]／（雛菊）潮文係無人信架！
  • （牧村）我係你哋既新班主任牧村老師，小牧愛佳[163]個牧。／……／（泉）啊，即係唔係木村拓杉個木。／……／（朝風）唔係一碌木就得。
  • （所長）……全部都係因為暴走或者因為類似嘅原因而一筆OUT消／（牧村）係呀？／（所長）牧村小姐我希望你能夠俾個合理嘅解釋我。／（牧村）解釋呀？我諗吓先，係咪因為火力唔夠呀？（所長）你估而家打星球大戰呀？
  • （所長）……你係咪腦殘㗎？係「心」呀！科學家最緊要就係「心」，但係你連鏡音妹妹嗰首《心》都未聽過！
  • （颯）桂老師佢望住牧村老師既眼神真係好恐怖，仲衰過瘦布歐[164]同宇宙大魔王。
  • （牧村）大家要記住好似大笑之歌既歌詞咁，哈哈哈哈哈哈哈。／（雪路）哼！真係天真，你以為用嗰啲火星腦殘歌就可以幫呢班馬騮洗腦？
  • （牧村）大家都好聰明呀，瀨川同花菱同學嘅計數好似唔太掂咁喎，朝風同學無用Chris Wong署名[165]，綾崎同學都做得幾好吖。
  • （美希）佢轉數分分鐘快過煙頭CPU[166]！／（泉）唔怪得之雪路會俾人燉咗做副班主任啦！／（理沙）雪路，sayonara[127]，重陽同清明會嚟探你㗎喇！／（雪路）你班嘢嘢咪當人死咗呀！
  • （雪路）我諗到一個勁過高Ｘ既作戰計劃。／……／首先嗰個女人喺教員室度行出嚟，我就放隻紅色有角模型，跟住……／（薰）咩話！我命根無咗喇！佢係我親手造出嚟既夜鶯嚟架！我要將你鍊成做模型呀！[167]
  • （雪路）將啲相up去啲大forum度，我睇佢仲有咩可能有得撈呀！／……／（颯）我淨係知道老師你仲腦殘過嗰套腦殘星[168]啫！
  • （颯）你呢種春X部防衛隊0既作戰手法，唔好諗住拉我落水呀！[169]
  • （天音）這暑假過後，世界只是回憶的沙漏。[170]
  • （雪路）我要成為新世界既神。[171]/…/everything under control。
  • （颯）呢round「生死時速」[172]而家Game over啦！
  • （颯）桂老師你千祈唔好做傻事呀！[173]
  • （雪路）佢仲唔就咁燒焦？[174]
  • （雪路）你迫我使出真功夫做大師傅咋！[175]／……／（颯）邊個編劇㗎？亂咁黎！
  • （雪路）引導天造之材，不進迷陣[176]，重返正途係老師的責任！其實有時我都會因為自己教唔好佢，而變成絕望老師咁，甚至想撼頭埋牆，唔想再做人！但係就算要我面對傲慢冷嘲各種怨氣，我都不捨不棄[177]，做好老師的責任！
  • （天音）呢一場鬥智鬥力嘅戰爭終於打完，而欠債管家亦示範咗乜嘢係「豬兜的豬兜豬兜地豬兜了」。／（颯）我生存喺呢個世上究竟為咗咩呢？／（泉）咪咁down啦，份report終於都搞掂啦！可喜可賀可喜可賀……
  • （天音）有因必有果，人類真係好有趣。[178]
  • （凪）搞錯呀，點解我今集嘅戲份會咁少㗎？／（瑪利亞）咁咪仲好，唔使噏到口乾先得一個show。[179]

第二十四集 《受歡迎都未必係一件好事》[]

播放日期：2010年3月27日
  • （颯）盆花玩笨豬跳呀[180]…／…「硬」係覺得，今日會黑過「黑仔明」嘅[181]。
  • （颯）都九月喇仲係咁熱，十月唔知會唔會仲熱過熱鬥小馬呢呵？（咲夜）零分，重作！
  • （凪）人哋話秋風起三蛇肥喎。（颯）計我話呢秋風起應該係抽水既時候先啱呀，秋風秋雨抽水時，我搞GAG咋。（咲夜）負一百分，重作！
  • （波波）好攰呀…仲攰過改完稿既聰聰21呀…
  • （波波）好啦，首先去啲好HIT既FORUM，跟住就將單嘢炒到大小姐都知！咁多年嚟我南高登，北天涯，舊時TV谷，今日上網典，一大堆英雄事跡。換IP，開分身，自編自導自演，推到長期置頂！（颯）波波…唔好以為網上做既嘢現實唔使負責呀…
  • （亙）綾綺颯…我都要好似佢咁！（天音）（書面語）這時阿亙看見阿颯的背影。[182]
  • （天音）食住「金坷垃（國語）」等睇戲[183]啦！
  • （颯）可能我係比較受小朋友歡迎咁啫！（天音）佢唔會將小朋友當成係戀愛對象，花丸應該請佢去教書吖！[184]
  • （颯）可能我真係零舍受小朋友歡迎，或者我應該學李醫生同陳醫生[185]唱吓兒歌啦
  • （瑪利亞）睇嚟今次要我武力介入。
  • （凪）我離家出走呀！（天音）失戀只有更短，歸家需要幾里路，誰能預算。[186]
  • （天音）由愛情喜劇變到愛恨交纏，呢套嘢唔會步師奶劇後塵吓嘛？
  • （凪）真係吖，你做咩借咁晒呢啲咁鬼垃圾㗎DVD㗎？你個腦裝屎架？[187]齋睇名就知道呢啲係無聊嘢啦！……等我嚟教精你啦，人生有幾多個十年呀？[188]……
  • （凪）睇你個款梗係唔知咩係自護萬Ｘ架啦！（客）你話高Ｘ呀？（凪）無錯，就係Ｘ達呀！所以我而家就一次過借晒初代到孖蛋俾你慢慢欣賞啦！
  • （貓）雖然有啲抄銀魂，不過阿銀就阿銀啦！

第二十五集 《心靈搖動開拓史》[189][]

播放日期：2010年4月3日
  • （伊澄管家Ａ）乜條友咁KAI嘅？（管家Ｂ）無錯。／…／（管家Ａ）佢思覺咗喇…（管家Ｂ）青山都仲有位嘅。／…／（管家Ａ）叫怪醫秦幫佢換腦啦…（管家Ｂ）叫佢快啲領便當算吧啦…
  • （瑪利亞）真係吖，阿颯又唔係豬仔[190]，你點可以將佢賣咗去伊澄度㗎？／……／唔通你想啲重要既嘢逐件逐件好似長門咁消失[191]咩？
  • （瑪利亞）淨係靠傲嬌性格同把靚聲係無人服你嘅…
  • （沙希）雖然佢唔出聲，不過可能只係好好表現堅強角色咋。（瑪利亞）雖然佢成日笑，都可能只係即使失戀不能痛哭咋。[192]
  • （凪）唔通我今次真係對阿颯做咗啲好過份嘅事？（天音）人腦有先知先覺同後知後覺兩種，你嗰種叫無腦。
  • （基伯特）如果你同嗰個管家之間真係有愛呢樣嘢嘅話，就算要佢COS小褲褲魔女[193]都制。例如話如果ME將YOU綁架咗嘅話，唔知佢會唔會第一時間飛身嚟YOU身邊救返YOU嘅呢呵？（沙希）你嘅意思係扮俾人標參？你睇Ｘ情睇上腦喇。
  • （基伯特）真係估唔到呢啲咁無膽嘅妹都可以做三千院家嘅遺產繼承人，咁樣真係時光可變，世界可變[194]囉！
  • （凪）真係估唔到東京嘅UNDERGROUND[195]會係咁犀利㗎！
  • （凪）你講個考驗又係阿颯大戰機械人呀？（基伯特）YES，唔理你嗰個管家有幾好打吖，都無可能打得贏呢部最後大魔王[196]嘅！
  • （凪）如果唔小心整傷阿颯，咁點算呀？（基伯特）噉呢層你又唔使擔心，呢部嘢嘅研發者仲聰明過姬路瑞Ｘ[197]㗎，佢嘅作品對人好溫柔好親切㗎。
  • （凪自我想像）（天音）喂喂喂，你去咗火星喇。
  • （基伯特）大小姐，誤會就同受傷一樣。學李Ｘ勤話齋，受過傷先知道要堅強[198]㗎嘛，所以你哋係絕對唔可以驚咗誤會㗎！堅強咁信任你哋嘅愛啦！
  • （機械人）我要搞掂嗰個黃髮孖辮妹同埋嗰個無用嘅管家！因為佢哋搞到我嘅人生仲殘過自護殘黨！
  • （咲夜）係噉我哋返去先咯。只要走之前同裡面嘅哥哥單聲「YOU ARE DEAD」[199]咁咪得㗎喇。
  • （基伯特）My Sister[200]
  • （咲夜）唔通塊板（主機板）仲係S754[201][202]咩，換U（CPU，中央處理器）啦！
  • （機械人）你以為戴黑超就夠霸氣喇咩？要威既唔該戴返個頭盔先啦！
  • （三千院家保鏢）睇嘢啦！你呢件剩係識鬥噏[203]嘅廢鐵！
  • （沙希心聲）做咗大人之後，咁咪會睇嗰啲嘢囉？／（沙希對白）唔可以呀！少爺你仲未可以睇嗰啲工口片[204]㗎！
  • （凪）你呢部噉嘅廢柴機械人，仲廢過動Ｘ廢物[205]呀！個DESIGN仲衰過啲山寨Ｘ達模型，你唔係諗住咁就可以呃到人吖嘛？
  • （亙）阿颯早過我嚟㗎，用秒速5厘米[206]都應該過到嚟喇「化」？
  • （機械人）我化咗灰都唔會唔記得你兩個害到我雞毛鴨血嘅！我要將你同呢條o靚妹一齊碎屍萬段，仲要攞嚟煲湯派街坊[207]－－你竟然當我冇到！？
  • （咲夜）睇嚟阿颯，仲興過辣雞咁喎。
  • （基伯特）等我同你炮製「鮮血的結局」[208]啦!
  • （基伯特）你唔知藏械同露械都係犯法架咩？（颯）無問題嘅，我同蛭魔一樣，一早已經用到熟晒。（基伯特）你點識㗎？！（颯）我係唔會理啲咩嘢法例嘅，只要係為咗保護大小姐嘅，哩啲咁濕碎嘅事我係唔會理嘅。
  • （基伯特）就算你殺咗一個基伯特，仲有千千萬萬個基伯特㗎！（颯）你以為自己好型呀，抄人金句？
  • （天音）END OF ETERNITY[209]，收埋枝槍先！仲有四目交投既少女同管家…
  • （管家通訊）下集特別篇要買定花生喇。

第二十六集 《我的失憶帥管家》[21][210][]

播放日期：2010年4月10日
  • （天音）呢個故事，係講述一個管家同兩位大小姐，喺一次大霹靂之後，體會「真的假不了，假的真不了」既真諦。
  • （颯）綾崎颯，回歸！偽娘力量，變身！[211]
  • （凪）就例如係越前龍Ｘ[212]咁俾嚿石掟親咁，好似雀仔咁跌落水[213]之後昏迷咗，跟住就連網球都唔識打！
  • （凪）話就咁話，不過我個腦就好似管家顧問團隊[214]咁塞咗。（颯）係咁不如我去阿亙度，借啲好似《失憶諒解備忘錄》[215]之類既DVD俾你參考吖。
  • （天音）就因為上一集口快快，阿颯而家做咗總受個個都爭住攻佢。
  • （颯）呢把聲咪係嗰個西人？乜你上一集見過鬼仲唔怕黑架咩？今集仲要坐喺一個流動棺材[216]度添！
  • （步）今日既幸運物件係PIZZA，至於幸運地點就係公園，星座燒黃紙[217]仲話可能會邂逅到你既夢中情人，咁即係話好有可能會撞到阿颯？唉都係算啦，叫親西澤既都係戀事多磨架喇。[218]
  • （凪）唔得呀，呢個IDEA仲唔掂過唔掂叔[219]呀！
  • （基伯特）好暈呀，仲暈過睇完啲3D電影呀！
  • （颯）SET，ARM！
  • （天音）一萬二千年前開始阿姨洗鐵路[220]，失去咗記憶既阿颯展開咗孤身上路既宇宙漂流記…返到嚟藍星喇！
  • （颯）呢度係邊度？我到底係邊個黎呀？[221]
  • （步）我咁大個女都係第一次遇到真係失憶既人架，我記得《冬Ｘ戀歌》嘅Ｘ勇俊都係咁架，但係太耐無睇劇情我唔記得咗喇！
  • （颯）係既，我知道喇，大小姐。（速遞員）真係正呀！之前我睇《我的帥管家》最鍾意就係呢幕架喇！
  • （步）唔通呢啲時光，係神聽到我少女的祈禱[222]賜俾我既禮物？
  • （颯）弊喇，再唔講清楚呢件事就真係「假的變真了」架喇！
  • （凪）阿颯你唔使擔心架，我一定會將你既羽毛，吖唔係，係記憶搵返返嚟架！[223]
  • （凪）而家開始要進行「綾崎颯記憶補完計劃」[82]！
  • （古拉斯）事實的確係咁，阿颯你既遭遇真係慘過《孤星淚》[224]呀。
  • （颯）家陣《我愛鬥一番》[225]咩…
  • （古拉斯）做咩呀，快啲一招KO咗佢俾我睇啦。（颯）激氣呀，我唔可以聲都唔聲就做咗貓糧架！（波波）GOGOGO，難敵憤怒[226]…
  • （步）唔係呀嘛？阿颯武松上身[227]呀？又會咁犀利既？
  • （步）好走開囉喎！呢個女仔係阿颯重視既人，如果你夠膽掂佢，我唔放過你架！係咁上下啦…（凪）喂倉鼠，多謝晒喎，不過你對腳仲震過羅Ｘ臣[228]喎！
  • （颯）停手呀你呢隻動物（烏龜）！你敢掂佢哋兩個，我就將你變成龜苓膏！
  • （天音）古拉斯佢呢，佢繼續活著，向世界出發，遊歷冰天動地尋找彼方的故事。
  • （管家通訊）（凪）我係MAGICAL CHANGE[229]後既三千院凪。
  1. ↑ 香港人經常將party縮略為"P"。
  2. ↑ 「剎那嘅光輝唔係永恆」是蔡楓華的金句。
  3. ↑ 3.0 3.1 桂雪路的無綫版粵語配音陸惠玲正是《多啦A夢》野比大雄一角的粵語配音。
  4. ↑ 4.0 4.1 此惡搞亦出現在日文原文中。日語中「多啦A夢」（ドラえもん）與「雛菊A夢」（ヒナえもん）發音相似。
  5. ↑ 惡搞香港電影《國產凌凌漆》。
  6. ↑ 「某隻藍色嘅機械貓」指多啦A夢。多啦A夢最喜歡吃豆沙包。
  7. ↑ 惡搞日本輕小說《碧陽學園學生會議事錄》，其第一集日文副題為《生徒会の一存‎》，直譯就是「學生會的一己之見」。其改編動畫於2009年在日本首播，亦以《生徒会の一存‎》為題。這是無綫自行加上的惡搞。
  8. ↑ 「御崎市嘅蜜瓜包」惡搞日本輕小說《灼眼的夏娜》。本故事發生在「御崎市」這個虛構城市內，而女主角夏娜最喜歡吃蜜瓜包。「Pantasia嘅綠龜包」則是惡搞日本漫畫《日式麵包王》。這是無綫自行加上的惡搞。
  9. ↑ 閃光彈，本為一種會發放強光和巨響的武器，但在網絡上卻有另一種含義，指在網絡上發放炫耀文章的人，令人目眩，尤指男女關係。被「閃光彈」「閃」到的人俗稱眼殘，被閃倒的人也往往會「召喚」導盲犬小Q幫忙帶路。
  10. ↑ 出自樋屋奇應丸廣告。
  11. ↑ 出自京都念慈菴川貝枇杷膏廣告。
  12. ↑ 12.0 12.1 出自香港電影《半斤八兩》的同名主題曲，由許冠傑主演和主唱。
  13. ↑ 13.0 13.1 13.2 惡搞日本輕小說《涼宮春日的憂鬱》。
  14. ↑ 出自前香港特首董建華回應有關八萬五政策的問題的名句。
  15. ↑ 惡搞《論語‧為政》：「由,誨女知之乎!知之為知之,不知為不知,是知也。」「蜘蛛」和「知之」諧音；「螆」和「知」同音。
  16. ↑ 16.0 16.1 引用錯誤：無效的 <ref> 標籤，未定義名稱為 harem 的參考文獻內容文字。
  17. ↑ 出自日本漫畫《IQ博士》中主角則卷小雲的對白。
  18. ↑ 惡搞日本輕小說《管家後宮學園》，於無綫播放本集《爆笑管家》當日，《管家後宮學園》之改編動畫亦正於日本首播。
  19. ↑ 引用錯誤：無效的 <ref> 標籤，未定義名稱為 author 的參考文獻內容文字。
  20. ↑ 阿凪此時13歲，跳級兩年。而《笑園漫畫大王》內的美濱千代正是十歲就升上高中，跳級五年。
  21. ↑ 21.0 21.1 惡搞2010年1月-3月間，J2播放之日劇《我的帥管家》。
  22. ↑ 引用錯誤：無效的 <ref> 標籤，未定義名稱為 gammaansikmatsung 的參考文獻內容文字。
  23. ↑ 引用錯誤：無效的 <ref> 標籤，未定義名稱為 swine_flu 的參考文獻內容文字。
  24. ↑ 引用錯誤：無效的 <ref> 標籤，未定義名稱為 hakuou demographics 的參考文獻內容文字。
  25. ↑ U，即英文University首個字母，意即大學。
  26. ↑ 諷刺香港的教育政策。此句出自政府廣告《創建教學新文化》，可是香港市民普遍認為此教育目標不能達到。
  27. ↑ 也是諷刺出現在香港的升學怪異現象。很多家長為了子女升學強迫子女參與多個課外活動，以求取得優勢。
  28. ↑ 28.0 28.1 「紅色有角三倍速」是指日本動畫《高達》系列內馬沙的專用機，如渣古、格魯古古和沙薩比。因為其專用機大多皆為紅色與裝有指揮官機用通訊天線（角），在加上劇中的速度有如3倍化的表現而得名。
  29. ↑ 引用錯誤：無效的 <ref> 標籤，未定義名稱為 seriouslose 的參考文獻內容文字。
  30. ↑ 30.0 30.1 動畫《黑執事》錫巴斯查恩•米加艾里斯的口頭禪。
  31. ↑ 引用錯誤：無效的 <ref> 標籤，未定義名稱為 good_good_study 的參考文獻內容文字。
  32. ↑ 冰佬是香港電腦格鬥遊戲《小朋友齊打交2》的角色。
  33. ↑ 33.0 33.1 出自政府廣告《優質服務 致勝之道》。
  34. ↑ 「新番」本為日語「新番組」，指即將在電視台首播的電視節目，多見於動畫討論區中。
  35. ↑ 「摺」，大專術語，指某人經常不上課，也不參與大專內各動課外活動。
  36. ↑ 引用錯誤：無效的 <ref> 標籤，未定義名稱為 TVB_Sunday_Report_hikikomori 的參考文獻內容文字。
  37. ↑ 37.0 37.1 37.2 引用錯誤：無效的 <ref> 標籤，未定義名稱為 hikikomori 的參考文獻內容文字。
  38. ↑ 惡搞日本輕小說《零之使魔》。其動畫版女主角露易絲（Louise）的日語配音與三千院凪一樣都是釘宮理惠。此外，Louise乃三千院凪的無綫版配音員何璐怡的英文名。平賀才人則為男主角。
  39. ↑ 「飛天御劍流」是日本漫畫《浪客劍心》的虛構劍道流派。動畫版曾於亞視播出。
  40. ↑ 惡搞日本輕小說《笨蛋，測驗，召喚獸》，其改編動畫亦正於日本首播。（指該集《爆笑管家》於無綫首播的日子，即2010年1月。）
  41. ↑ 惡搞日本輕小說《聖劍鍛造師》。
  42. ↑ 惡搞電子遊戲《街頭霸王》中的阿龍一角的絕招「龍卷旋風腳」的出招方法。
  43. ↑ 43.0 43.1 高登術語。詳見是咁的一文。
  44. ↑ 東宮康太郎與日本動畫《機動戰士高達00》之角色剎那•F•塞爾的無綫版配音員同為張預東，而剎那在《00》劇中經常說出「我就是高達」等和高達有關的對白。「變革」則指剎那進化成變革者。
  45. ↑ 引用錯誤：無效的 <ref> 標籤，未定義名稱為 voice_actor 的參考文獻內容文字。
  46. ↑ 指「思覺脫」。「思覺脫」是高登術語，諧音「司各脫魚肝油」。當高登網民認為某人語無倫次，疑似思覺失調發作，使會貼上一支「思覺脫」的圖。詳見極危險一文。
  47. ↑ 惡搞無綫劇集《當四葉草碰上劍尖時》。
  48. ↑ 惡搞日本1950年代的漫畫《赤胴鈴之助》的主角金野鈴之助。
  49. ↑ 惡搞日本漫畫《再造人009》。
  50. ↑ 「龍虎亂舞」是電子遊戲《拳皇系列》的絕招。百鬼猛襲劍則是出自《鬥神傳》。
  51. ↑ Chok此處指在電子遊戲中「打出」。
  52. ↑ 出自日本漫畫《筋肉男》
  53. ↑ 出自盧巧音歌曲《垃圾》。
  54. ↑ 54.0 54.1 惡搞日本漫畫《蠟筆小新》主角野原新之助。「動感死光」是他所喜愛英雄人物「動感超人」的絕招。野原新之助的粵語配音與綾崎颯的無綫版粵語配音同樣都是黃玉娟。
  55. ↑ 55.0 55.1 「裏蓮華」是日本動漫作品《火影忍者》之角色李洛克的絕招。粗眉和冬菇頭髮型是李洛克的特徵。李洛克與綾崎颯的無綫版粵語配音同樣都是黃玉娟。
  56. ↑ 56.0 56.1 「高Ｘ奈葉」是指《魔法少女奈葉》的主角高町奈葉，而「星光爆Ｘ」則是指高町奈葉的絕招「星光爆裂」；「星煌模式」則是她的爆發狀態。「時空腐女局的白色惡魔」是網民對高町奈葉的戲稱。
  57. ↑ 惡搞日本輕小說《TIGER×DRAGON！》。粵語諧音女主角名字逢坂大河。在小說中逢坂大河被人稱為「掌中老虎」，而「大河」之日語發音，亦與老虎之英文tiger相近。
  58. ↑ 古拉斯在此扮演緊終極三國的董卓，其配音員與古拉斯的同為朱子聰。
  59. ↑ 水銀獸出自數碼暴龍DS，其配音員與古拉斯的同為朱子聰。
  60. ↑ 警長是指孤星淚中的薩比盧，對罪犯經常講的對白，其配音員與古拉斯的同為朱子聰。
  61. ↑ 古拉斯扮演由李連杰主演的黃飛鴻系列的電影，但由於當時影場收音不佳而後期配音，其配音員與古拉斯的同為朱子聰。
  62. ↑ 白井黑子是日本動畫《科學超電磁砲》的角色。
  63. ↑ 不論原作還是無綫播放版本，此段皆為惡搞《幪面超人電王》。片中出現的列車是電王列車「業火」的縮小版；車中出現的人物除伊澄外，全為電王的登場角色（先後為車長、桃塔羅斯和夏娜）。而口號的原句是「穿越時間的時空列車　下一站是過去還是未來？」
  64. ↑ 64.0 64.1 64.2 惡搞香港高鐵爭議。第十六集的「富貴門」與「玉璽」分別指位於港鐵九龍站上蓋的樓宇「凱旋門」和「天璽」。此句無綫字幕誤植為「西Ｘ隆糕點站」。第十七集的「七百億」指香港段大約造價。 至於第十八集的「塌樓」一句，爆笑管家無綫配音製作團隊已聲明本句只是諷刺香港高鐵，與馬頭圍道唐樓倒塌事故無關，只是因為該集製作與播放之間的時間差問題造成的巧合（該集在事故前製作，卻在事故後播出），且無法重配修正。參見 http://www.youtube.com/watch?v=xnvYcs2426s 。
  65. ↑ 原作惡搞日本節目《渡邊篤史的建築探訪》，每集參觀不同居室了解其室內設計。粵語版則配上無綫電視同類節目《更上一層樓》
  66. ↑ 指《涼宮春日的憂鬱》的涼宮春日（與日語原文相同）
  67. ↑ 指曾於《星期日檔案》接受訪問的黎潔瑩，同樣被某些人視為港女代表。
  68. ↑ 這是無綫配音組的自嘲。因無綫電視與四間國際唱片公司（環球唱片、華納唱片、百代唱片（大中華區業務名為金牌大風）和新力音樂娛樂）組成的香港音像聯盟掀起版權糾紛，無綫因而全面禁止該四間唱片公司旗下的歌手於無綫電視亮相，該四間唱片公司也反過來杯葛無綫電視，《2009年度十大勁歌金曲頒獎典禮》因而成為犧牲品。因很多受歡迎的歌星都屬於該四間唱片公司旗下，受此風波影響，他們均未有出席《2009十大勁歌金曲頒獎典禮》，且該頒獎典禮的所有獎項均未有頒發予該等歌星，「亞太區最受歡迎獎」亦因此落入林峯手中，結果引起極大爭議。
  69. ↑ 尼路、馬高、莎拉分別出自兒童文學《法蘭德斯之犬》、《愛的教育》、《小公主》，並分別改編成動畫《義犬報恩》、《萬里尋親記》、《小公主莎拉》。三輯改編動畫都是日本動畫系列《世界名作劇場》內的作品。
  70. ↑ 高登術語。詳見巴打和絲士打兩文。
  71. ↑ 引用錯誤：無效的 <ref> 標籤，未定義名稱為 PrimeCredit_Brothers 的參考文獻內容文字。
  72. ↑ 賭博術語為廣播禁忌。
  73. ↑ 惡搞日本漫畫《咲 -Saki-》。
  74. ↑ 在遊戲《勇者鬥惡龍》, 打倒金屬溶液史萊姆後獲得的經驗值相等於打倒普通的金屬史萊姆約10倍
  75. ↑ 「西風魔帚」是日本漫畫《MÄR 魔法世界》中的多洛斯的武器。
  76. ↑ 惡搞日本漫畫家細野不二彥的作品《偽術真相》（Gallery Fake）。
  77. ↑ 莫哥拿是日本漫畫《×××HOLiC》和《翼之奇幻旅程》內的角色。
  78. ↑ 諷刺某集香港版多啦A夢強行將「胡椒粉」改作「神奇粉」的事件。詳見多啦A夢綜合討論天地。
  79. ↑ 日語原文則指童星點心麵，香港同樣有售。
  80. ↑ 引用錯誤：無效的 <ref> 標籤，未定義名稱為 oh_my_kombu 的參考文獻內容文字。
  81. ↑ 電影《蜘蛛俠》中Uncle Ben的名句。
  82. ↑ 82.0 82.1 引用錯誤：無效的 <ref> 標籤，未定義名稱為 EVA 的參考文獻內容文字。
  83. ↑ 出自金龜嘜萬里望花生廣告。
  84. ↑ 出自甘大滋廣告。
  85. ↑ 出自位元堂養陰丸廣告。
  86. ↑ 鏡音鈴是語音合成軟件角色主唱系列的第二作內的角色。《爐心融解》則為某軟件使用者製作，鏡音鈴「主唱」的歌曲。另一方面，「爐心熔解」也是非常嚴重的核反應堆事故，可導致核輻射外洩。切爾諾貝爾核電廠事故的直接成因正是爐心熔解。
  87. ↑ 指漫畫家冨樫義博作品《Hunter × Hunter》經常以草稿發刊，也經常停刊，近年更多次停刊一年以上，曾遭到作品讀者批評。
  88. ↑ 引用錯誤：無效的 <ref> 標籤，未定義名稱為 toradora 的參考文獻內容文字。
  89. ↑ 惡搞日本漫畫《青春CUP》，其改編動畫正於日本首播（2010年2月時點）。
  90. ↑ 指位於將軍澳南區的樓宇日出康城，諷刺其建居位置處於堆填區附近。
  91. ↑ 「控」，ACG用語，是日語コン的音譯（其日語本身亦來自英文Complex一詞，意即情結），用以形容非常愛好某一事物的人。
  92. ↑ 中華人民共和國於1958年提出的建設總路線政治運動中的口號。
  93. ↑ 《絕對空虛》是蔡楓華名曲。
  94. ↑ 笨大是日語バンダイ（BANDAI）的粵語諧音。
  95. ↑ 蘭斯洛特是動畫《叛逆的魯魯修》的機種。
  96. ↑ 《You are the One》、《I Say Yes》、《First Kiss》分別是日本輕小說《零之使魔》動畫版第三、二、一輯的主題曲。
  97. ↑ 惡搞日本漫畫《南家三姊妹》（香港漫畫版本名為《女生怪奇事件123》）。
  98. ↑ 出自黑旋風殺蟲水廣告。
  99. ↑ 惡搞日本漫畫《交響情人夢》。
  100. ↑ 指日本電影《午夜凶鈴》的貞子。
  101. ↑ 惡搞香港特首曾蔭權於行政長官答問大會回應議員有關民望下跌質問時的回應。
  102. ↑ 指高達的哈曼。
  103. ↑ 日本傳統宗教職業之一，於多類型日本創作中出現，其中比較著名的MAD作品就是「新・豪血寺一族 -煩惱解放 - Let's Go！陰陽師」
  104. ↑ 出自來來曱甴屋廣告
  105. ↑ 惡搞蟑螂藥餌曱甴一掃光。
  106. ↑ 引用錯誤：無效的 <ref> 標籤，未定義名稱為 All's Well, Ends Well 的參考文獻內容文字。
  107. ↑ 引用錯誤：無效的 <ref> 標籤，未定義名稱為 sailor_moon 的參考文獻內容文字。
  108. ↑ 惡搞前中華人民共和國領導人鄧小平名句「摸着石頭過河」。鄧小平於四川省出生。
  109. ↑ 惡搞高達系列內黑色三連星的招式噴射氣流攻擊。
  110. ↑ 觀眾為基拉大和取了「小強」這個外號，取其有如蟑螂打不死之意。
  111. ↑ 音小dee dee。
  112. ↑ 惡搞阿舜於《都市閒情》中的《鬥戲連唱鬥一番》中的表演。
  113. ↑ 惡搞大陸阜陽劣質奶粉事件。
  114. ↑ 惡搞日本輕小說《涼宮春日的憂鬱》的2009年改編動畫版本，其《漫無止境的八月》的一段劇情連續重覆播放了八集。
  115. ↑ 惡搞陳奕迅同名歌曲。
  116. ↑ 出自LMF歌曲《大懶堂》。
  117. ↑ 惡搞日本漫畫《劍道小子弊傢伙》主角石垣直角的絕招。
  118. ↑ 出自日本漫畫《IQ博士》動畫版粵語主題曲首句歌詞。
  119. ↑ 惡搞Apple CG。
  120. ↑ 惡搞2010年財政預算案的廣告，廣告中的財政司司長曾俊華有如該片段中的古拉斯神出鬼沒。
  121. ↑ 出自《機動武鬥傳G高達》。
  122. ↑ 「天壤劫火」和「天破壤碎」均出自日本輕小說《灼眼的夏娜》。「天壤劫火」是紅世魔王亞拉斯特爾的別稱，平時被封印吊墜中，要解除封印就得使出「天破壤碎」一招。
  123. ↑ 出自遊戲《街頭霸王4》。
  124. ↑ 惡搞陳克勤當選立法會議員後的一段英文訪問。
  125. ↑ 無論在讀者投票還是網絡論壇中，桂雛菊都是最受歡迎的一個。
  126. ↑ 惡搞黎明歌曲《情深說話未曾講》。
  127. ↑ 127.0 127.1 即日語さよなら，解作再見。
  128. ↑ 惡搞日本漫畫《幸運星》的動畫版。其第一至第十二集的片尾片段都是四位主角（包括"小此"即泉此方）唱卡啦OK。
  129. ↑ 惡搞張如城。
  130. ↑ 日本漫畫《唱K小魚仙》動畫版的粵語配音版本中，七海露芝亞一角由何璐怡配音，即本作的三千院凪的無綫版配音員。
  131. ↑ 日語原文及片段則為惡搞日本漫畫《花漾明星》的月島星琉。
  132. ↑ 惡搞日本漫畫《K-ON!輕音部》的動畫版，其片尾曲正是名為《Don't say "lazy"》。
  133. ↑ 惡搞商業電台節目《嘩！嘩！嘩！打到嚟！》。
  134. ↑ 引用錯誤：無效的 <ref> 標籤，未定義名稱為 tony0815 的參考文獻內容文字。
  135. ↑ 惡搞《地獄少女》主角閻魔愛。
  136. ↑ 引用錯誤：無效的 <ref> 標籤，未定義名稱為 kururu 的參考文獻內容文字。
  137. ↑ 意指已故影星米高積遜的私人樂園Neverland，跟本動畫設定一樣甚少使用，亦不開放予公眾。是咁的則是其最後演唱會的口號This is it直譯。
  138. ↑ 惡搞內地樓盤碧桂園廣告。
  139. ↑ 綾崎颯的配音和無綫電視播放的《鬼太郎》主角鬼太郎配音同樣是黃玉娟。
  140. ↑ 惡搞日本漫畫《聖鬥士星矢》的紫龍一角。
  141. ↑ 「暗若黑檀，萬物吞滅」出自TVB《高達00》第一季OP2的歌詞字幕中。
  142. ↑ 出自謝安琪歌曲《17度》之歌詞。
  143. ↑ Goldion Hammer是《勇者王GAOGAIGAR》中的武器之一。此處無線植字錯誤，植為「GOLDEN HAMMER」。
  144. ↑ 引用錯誤：無效的 <ref> 標籤，未定義名稱為 BL 的參考文獻內容文字。
  145. ↑ 語出此配音版本的中文片頭曲歌詞。「除掉痛苦災禍」一句時間軸正正位於OP小8出場一幕。
  146. ↑ 惡搞欖菊牌蚊香。
  147. ↑ 另外，「菊」或「菊花」也是BL術語，解作肛門，而「爆菊」就是指肛交。
  148. ↑ 同時惡搞日本漫畫《天才小魚郎》的風間武藏和日本動畫《寵物小精靈》的火箭兵團的開場白「武藏、小次郎，我們是火箭兵團」。
  149. ↑ 無綫電視的舊口號。
  150. ↑ 小狼和小櫻是漫畫《翼之奇幻旅程》及《百變小櫻MAGIC咭》裡的角色。
  151. ↑ 「同心圓椰菜」是成人戀愛遊戲《夜明前的琉璃色》動畫版作畫崩壞的經典。另見偽基百科。
  152. ↑ 惡搞日本漫畫《人魚之森》。
  153. ↑ 惡搞日本動畫《守護甜心》中的守護者職位。
  154. ↑ 迪士尼著名電影《海底奇兵》之角色。
  155. ↑ 155.0 155.1 惡搞新世紀福音戰士第24話，渚薰出場及與碇真嗣相處的一幕。
  156. ↑ 模枋日本動畫《寵物小精靈》內火箭兵團的喵喵怪的說話方式。
  157. ↑ 「Chobit個開關」出自日本漫畫《Chobits》。「女主角」小唧是一台人型電腦，其電源開關藏在下體內。
  158. ↑ 宮崎駿作品《千與千尋》的角色。
  159. ↑ 惡搞日本漫畫《魔法老師》。
  160. ↑ 此段於日版原聲當中為聲優戲仿，牧村志織、東宮康太郎和小8配音同是佐藤利奈。
  161. ↑ 惡搞家姐被炒潮文。
  162. ↑ 出自PS2遊戲《ToHeart2》。
  163. ↑ 出自日本動畫《龍珠Z》。
  164. ↑ 惡搞香港中學會考和香港高級程度會考。在香港中學會考和香港高級程度會考的英文科考試，考生如有需要須一律使用Chris Wong作為自己的姓名，否則扣分。另見第二輯第十五集的允行。
  165. ↑ 「煙頭」兩字出自中央處理器（CPU）廠商英特爾英文名的諧音。
  166. ↑ 此集薰老師的無綫版粵語配音蘇強文，同時擔任鋼之鍊金術師當中萊．馬斯丹上校配音。
  167. ↑ 腦殘星是日本漫畫《幸運星》的動畫版的戲稱。
  168. ↑ 出自《蠟筆小新》的春我部防衛隊。
  169. ↑ 出自鄧紫棋《回憶的沙漏》一曲。
  170. ↑ 出自《死亡筆記》中夜神月的名句。
  171. ↑ 出自美國電影《生死時速》。
  172. ↑ 諷刺部份網民將非法或侵權相片公開於討論區上然後被禁帳號。
  173. ↑ 出自粟一燒廣告。
  174. ↑ 出自政府廣告《「駛」出真功夫 方為大師傅》。
  175. ↑ 出自保安局禁毒處口號。
  176. ↑ 出自《福佳始終有你》歌詞。
  177. ↑ 出自《死亡筆記》中死神流克的名句。
  178. ↑ 引用錯誤：無效的 <ref> 標籤，未定義名稱為 voice_actor_show 的參考文獻內容文字。
  179. ↑ 指責「高空擲物」行為。
  180. ↑ 「黑仔明」一詞，出自無綫電視時裝電視劇《烈火雄心3》，由演員陳宇琛飾演羅克明一角時的暱稱正是「黑仔明」。
  181. ↑ 改自朱自清散文《背影》。
  182. ↑ 為食住花生等睇戲的變型句。
  183. ↑ 惡搞日本漫畫《花丸幼稚園》，其改編動畫於2010年1月於日本首播。
  184. ↑ 指兒科醫生李家仁和陳以誠，兩人都有多首自己的兒歌。
  185. ↑ 歌詞出自陳奕迅《富士山下》。
  186. ↑ 引用錯誤：無效的 <ref> 標籤，未定義名稱為 death_note 的參考文獻內容文字。
  187. ↑ 引用錯誤：無效的 <ref> 標籤，未定義名稱為 decade 的參考文獻內容文字。
  188. ↑ 惡搞多啦A夢大長篇漫畫《大雄的宇宙開拓史》。
  189. ↑ 「豬仔」即「賣豬仔」，指在清中葉至清末被騙或因家境被迫到海外當苦工的中國人。因「賣豬仔」為專有名詞，故此字幕將此句轉為書面語「小豬」為錯誤轉換。
  190. ↑ 出自日本輕小說《涼宮春日的消失》。
  191. ↑ 粗體兩句歌詞出自草蜢歌曲《怎麼天生不是女人》。
  192. ↑ 惡搞日本輕小說《Strike Witches》。
  193. ↑ 出自古巨基《友共情》一曲。
  194. ↑ 引用錯誤：無效的 <ref> 標籤，未定義名稱為 tokyo_underground 的參考文獻內容文字。
  195. ↑ 惡搞日本輕小說《最後大魔王》，其改編動畫在2010年4月於日本首播。
  196. ↑ 惡搞日本輕小說《笨蛋、測驗、召喚獸》，其改編動畫在2010年1月於日本首播。本故事發生在虛構學校文月學園。姬路瑞希是其中的角色。
  197. ↑ 出自韓國電視劇《醫道》無綫版本主題曲，由李克勤主唱。
  198. ↑ 出自遊戲《生化危機》角色死去後出現的字句。
  199. ↑ 《衝鋒21》中瀧夏彥對妹妹瀧鈴音的稱呼。
  200. ↑ Socket 754原本是AMD生產的CPU系列中，其中一款插座的型號。該型號已於2005年停產。
  201. ↑ 這裡亦暗指高登討論區會員S754（即動漫花園的EvilKo，亦名Kouji）。有關會員於近年來上載了爆笑管家及其他多套動畫的粵語版本，供網民重溫。
  202. ↑ 特首曾蔭權曾在香港立法會中指不會跟泛民立法會議員「鳩噏辯論」但由於「鳩up」為粗俗語言，為免被指教壞細路，政府新聞處堅稱曾蔭權當時講的是「鬥噏」而非「鳩噏」。
  203. ↑ 「工口」即日語「エロ」的形似漢字，多指色情物。「エロ」乃「エロス」之略，出自希臘語「Έρως」，即希臘神話的厄洛斯，乃掌管愛情之神，羅馬神話中對應的神就是邱比特。
  204. ↑ 惡搞網絡電台「動漫廢物」。
  205. ↑ 惡搞日本動畫電影《秒速5厘米》。
  206. ↑ 原句為粗口「切柒煲湯派街坊」
  207. ↑ 引用錯誤：無效的 <ref> 標籤，未定義名稱為 schooldays 的參考文獻內容文字。
  208. ↑ 出自遊戲「End of Eternity」。
  209. ↑ 為配合標題及劇情，本集標題並非依標準由綾崎颯讀出，而是由三千院凪及西澤步一起讀出。
  210. ↑ 原作惡搞《美少女戰士》月野兔的變身方式。
  211. ↑ 惡搞日本漫畫《網球王子》的越前龍馬一角。
  212. ↑ 惡搞兒歌《有隻雀仔跌落水》。
  213. ↑ 指《爆笑管家》的製作團隊。
  214. ↑ 惡搞郭富城同名歌曲。
  215. ↑ 出自日本輕小說《機動戰士GUNDAM UC》。
  216. ↑ 惡搞香港占星學家星座小王子。
  217. ↑ 意指動畫《KERORO軍曹》的女角西澤桃華，同樣為得到夢中情人日向冬樹好事多磨。西澤步及西澤桃華兩角的無綫版粵語配音都是鄭麗麗。
  218. ↑ 惡搞日本動畫《銀魂》長谷川泰三一角。
  219. ↑ 惡搞自動畫《創聖大天使》的片頭曲《創聖のアクエリオン》，其中一句歌詞「愛してる」（意即「我愛你」）被空耳成「阿姨洗鐵路」。
  220. ↑ 此句出自動畫電影《寵物小精靈之超夢夢反擊戰》中超夢夢的對白。
  221. ↑ 惡搞楊千嬅同名歌曲。
  222. ↑ 惡搞日本漫畫《TSUBASA翼》（無綫譯為《翼之奇幻旅程》），故事中女主角小櫻的記憶化為羽毛散失各處。
  223. ↑ 惡搞同名小說，並曾改編成動畫。
  224. ↑ 惡搞無綫電視同名節目。
  225. ↑ 出自顏福偉歌曲《Go Go Go》。
  226. ↑ 意指綾崎颯像《水滸傳》的武松一樣可以打倒老虎。
  227. ↑ 惡搞羅拔臣啫喱廣告。
  228. ↑ 惡搞日本動畫《萌單》。Magical Change是主角虹原茵可的變身口號。
除非另有註明，否則社區內容均使用CC-BY-SA授權條款。
Advertisement

Fan Feed

More 香港動漫文化大典