《爆趣鄉公所》（日文：サーバント×サービス，英文：SERVANT×SERVICE）是高津カリノ的日本漫畫作品，日本於2013年7月4日起播放電視動畫，無綫電視於2013年9月18日起逢星期三深夜12:00在J2播放。
無綫電視版本的翻譯和配音，大量保留原作對白的戲仿（NETA），也在對白中交代一些戲仿的出處。此外，亦加入了不少並非由原對白直譯出來的新動漫戲仿，以及香港一般觀眾所熟知的其他事物戲仿。對白也使用不少本土化字句、潮語。
無綫版金句語錄[]
以下記錄無綫版《爆趣鄉公所》各集金句的精華。因為不同網民對哪句是金句的看法會有不同，因此不一定能記下所有金句。
- 註：（PG）表示該集有家長指引（列表）；由於「山神Lucy喜美子明江愛里史織倫彌由保知帆子彩乃富美佳千歲早苗美紀子…」的名字過長，以下將省略為「山神Lucy」。
第一集《要注意 對他人稱呼 及理由》[1][]
- 播放日期：2013年9月18日（PG）
- （山神Lucy）唔好望過嚟要我認同你呀！我嚟呢度係要做好呢份工，認真服務市民架！
- （某市民）我想問全民退休金嘅嘢架。
- （長谷部豐）我份人唔止靚仔，學嘢又夠快，注定係個人生大贏家，有冇嘢係難到我架？
- （山神Lucy）見到佢真係仲慘過番印度呀。
- （千早惠）我覺得佢話膀頭攰，應該係關佢心口嗰兩個榴槤事呀。
- （長谷部豐、三好紗耶、一宮大志）學林敏聰玩獎門人馬拉松咩？
- （某市民）你哋班公務員都食塞米架！
- （長谷部豐）仲駛講嘅， 公務員乞人憎根本就係常識嚟架喇。
- （長谷部豐）你喺度講咩呀？咁辛苦考公務員就係為咗想歎世界喳嘛，hea個鐘就閃，月尾就攞錢，生活真係寫意！／（山神Lucy）多得呢種人先令到公務員形象插晒水。
- （山神Lucy）長谷部先生你估你係鬆馳熊咩？
第二集《工作時 要不慌不忙 不放棄》[]
- 播放日期：2013年9月25日
- （山神Lucy）要我咁講，不如一槍打死我。
- （山神Lucy）佢開始用啲宅專用嘅火星話口吻喇，睇嚟佢真係入晒戲。
- （長谷部豐）我平時打開機咖嘛，《Final Fantasy》、《勇者鬥惡龍》、《Bokemon》、《水喉佬賽車》、《心笑回擊》、《HAIR》、《大邪神》咁啦。
- （山神Lucy）你咪當我lu lu呀！
- （長谷部豐）上司，呢一個霸氣學生妹係咩人嚟架？
- （一宮大志）就係好似我咁覺得自己係零，永遠抬唔起頭做人。
- （山神Lucy）仲求其過議員嗰啲飯盒會呀。
- （千早惠）係咁冇計啦，我哋惟有用監粗lia呢招!
- （千早惠）我冇估錯，兄控嘅情意結，果然可以引到你過嚟幫手！／（一宮塔子）信唔信我聯住你把口呀？
- （千早惠）講得啱呀，就同佢講現實世界嘅傲嬌根本就冇人要，等楔灶罅啦。／（一宮塔子）我宜家就聯住你把口呀！
- （爆趣問題）（三好紗耶）跟…跟住係今集嘅爆趣問題，考試怕攞U，高中生爭入U，係咁北海道、本州、四國、九州裏面，邊一個地方係少U之最呢？請留意官網。
第三集《勿忽略 個人與職場 的安全》[1][]
- 播放日期：2013年10月2日（PG）
- （一宮大志）我份人真係又廢又無謂，喺度獻世。
- （山神Lucy）呢層…點講好呢？Sorry呀，咁樣睇你，但係你真係神煩呀。
- （一宮大志）佢嗰腦啲筋黐埋咗喳嘛，宜家舂一嘢就甩番開架喇。
- （千早惠）有大志丫，Senior居然搵個啱啱出嚟做嘢嘅人做榜樣。
- （長谷部豐）唔得，挑戰就要速戰速決，唔可以Till Tomorrow，係咁你等我好消息啦。／（一宮大志）喂，咪住呀。哩啲事你就咁落力，做嘢嗰陣又唔見你咁積極。
- （山神Lucy）咁樣會俾人當我係lu lu架！
- （山神Lucy）我寧願攬鬆馳熊呀！
- （長谷部豐）唔怕老實講丫，呢個世界上面冇幾多個係懷住夢想同埋希望而入政府做架，當得公務員，多數都係想隱隱陣陣，唔洗te騰。
- （爆趣問題）（長谷部豐）Hello，我係長谷部，今次到我問爆趣問題，今集問題好閉翳，有冇符fit解答呢各位？我估你都冇晒計，咦唔夠時間問問題，大家自己上官網睇。
第四集《下星期 隱藏的危險 須提防》[1][]
- 播放日期：2013年10月9日（PG）
- （千早惠）番工拍施嘅現充去死啦！
- （千早惠）抽夠水嘅快啲同我走，走開走開。
- （千早惠）唔可以原諒，就連你呢種唔嗲唔吊嘅Playboy，只不過係扮吓體貼，都可以搏得山神小姐嘅好感，然之後想點武佢就點武佢。／（長谷部豐）唔通佢就係嗰種鍾意將百合物語擺入現實度嘅人嚟？
- （千早惠）如果將來長谷部先生成功爭取山神小姐cosplay嘅話，記住影相send俾我。
- （長谷部豐）無事獻殷勤，不亦樂乎喎，而且兩個人做點都快啲嘅，Lucy咪有時間幫其他同事分擔吓囉。
- （山神Lucy）唔該你唔好喺度中二病[2]發作啦。
- （一宮大志）你隻嘢連表白嘅理由都係咁random。
- （山神Lucy）好似我哩一種唔起眼，又唔識著衫，仲戴副咁娘嘅眼鏡，個名又騎呢到冇人有嘅人，想同男仔拍拖行街食飯睇戲，根本就只係喪女嘅夢想，完全唔科學！
- （課長）做嘢嗰陣就唔好喺度傾閒偈，你班新仔！
- （三好紗耶）咁我哋之前三集冇機會講丫嘛。
- （千早惠）Too simple，sometimes naïve！
- （山神Lucy、長谷部豐、三好紗耶）要同隻公仔飲酒咁宅呀？／（課長）宜家啲新人咁快就適應環境，仲搞埋啲小圈子。
第五集《應活用 恐怖的經驗 保平安》[1][]
- 播放日期：2013年10月16日（PG）
- （山神Lucy）尋晚同啲同事飲完酒之後就各自散band，乜嘢都唔記得晒喇。
- （山神Lucy）即係平時淋熱水變男仔？咪住，望真啲先，嗰個樣同長谷部先生真係餅印咁喎，唔通佢真係女仔？
- （長谷部豐）呢啲係咪叫做天真無牙呀？／（長谷部薰）應該咁講，孤男寡女成晚共處一室，啲人會點諗呢？／（山神Lucy）會有損失[3]呀呵？我明白喇，好對唔住呀。／（長谷部豐）你明喇？真係謝天謝地囉，唔洗出自我把口好似性騷擾你咁。／（長谷部薰）其實琴晚呢…你仲講到咁輕描淡寫喎，你當家姐屋企係時鐘酒店嚟咩？／（長谷部豐）預咗你實咁樣講架喇，真係要去餐風食露大酒店咩？幫吓手啦。／（長谷部薰）吓？唔通阿豐你玩ero game玩上腦，想家姐同呢個女仔兩個人一齊服侍你呀？…／（長谷部豐）宜家已經係夜深喇，請將音量收細啦，仲要喺度講變態嘢，求你快啲俾我入去啦！
- （長谷部薰）冇錯呀，我哋全家人都係公務員嚟架，而且都係流灘主義，hea底精神架，輕輕鬆鬆只想通處飛。[4]／（山神Lucy）有晒picture喇，好似長谷部先生量產咁。
- （一宮大志）你呃人！
- （千早惠）你再係咁傻咁天真，遲早都會蝕底，到時喊都無謂呀。
- （一宮大志）鬼叫你當番工好似打gal game咁，條條路線你都想試勻晒呀。
- （千早惠）我講笑你都咁認真，你係奴隸獸呀？
- （一宮大志）話時話，千早佢真係好難捉摸呀。／…／真係好難捉摸呀。
- （一宮塔子）Bye bye見。[5]
第六集《要確認 意外的問題 捉迷藏》[]
- 播放日期：2013年10月23日（PG）
- （千早惠）全裸打呔，勁H呀！
- （課長）你班新仔真係離譜架，竟然大膽到勒老細，仲一腳踩落老細嗰度，係咪想上頭條，俾人起底呀？
- （課長）丫估唔到喎，原來呢度有咁多地方可以蛇王架，我學到好多嘢呀。
- （課長）放鬆啲啦，淡定有錢剩！睇吓先…胸前太過偉大，睇唔到下面喎。點解你可以咁唔科學架？
- （課長）山神呀，我一出生就準備做好地球人。／（山神Lucy）枉我仲咁緊張，我好似我認真就輸咗囉。
- （課長）嘩，女仔嚟講，你都幾高架喎，喺你膀頭睇風景，好過上山頂。
- （課長）以前呢度奉行槍打出頭鳥嘅文化，標青嘅人實會俾人針對，做得太快，阿頭就會鬧你，叫你做慢啲。
- （長谷部豐）冇事嘅冇事嘅，你哩啲係早到嘅holiday mood嚟架啫。
- （長谷部豐）你講到呢一樣，我就唔係幾明啦，我讀大學嗰陣係流灘學會嘅member嚟架。
- （長谷部豐）好啦，係咁嘅話我就試吓做個蛇王之王，幫自己儲番啲成就感！
第七集《須克制 在不起眼處 有人在》[]
- 播放日期：2013年10月30日（PG）
- （千早惠）塔子你真係廢到核爆呀。
- （一宮塔子）哦，好啦，bye bye見。[5]
- （課長）好似我咁嘅年紀都可以老中青通殺架！／（一宮大志）係通殺呀，通通都想殺死你丫嘛。
- （長谷部豐）孤男寡女，女嘅冇損失[3]，男嘅就死得！
- （千早惠）既然係咁嘅話，我哋做愛做嘅事啦。
- （千早惠）係咁嘅，頭先我執執吓嘢嗰陣踎低起身見頭暈。
- （一宮塔子）嗯，bye bye見。[5]
- （長谷部豐）你係咪五行欠搣呀，衰妹？／（山神Lucy）有欠搣架咩？
- （山神Lucy）點…點算呢？好明顯我嘅存在係多餘嘅，不過，三好小姐你就放手讓我走[6]！
- （山神Lucy）對白急轉彎？佢有少少鍾意咗你呀，三好小姐！
- （山神Lucy）呢種情況，長谷部先生一定會借尿遁之類。
- （山神Lucy）佢撬咗人長腳呀？／（長谷部豐）你咪亂噏當秘笈啦，千早！
- （山神Lucy）又試囂過皇帝蕉喇。
- （長谷部豐）其實要講落去嘅話，仲複雜過啲師奶劇架，所以都係算把啦。
- （長谷部豐）死女包丫，一啖砂糖一啖檸檬！
第八集《險之苗 田中的孫子 須愼防》[1][]
- 播放日期：2013年11月6日（PG）
- （長谷部豐）家姐有請，想點喎？
- （千早惠）我都唔知喎，不過佢最鍾意就係用食物嚟做餌，釣啲無知少女。
- （山神Lucy）啲餐廳煮餸係咪都加雞汁，邊會有益架？
- （山神Lucy）我有啲醉喇，呢餐飯真係大滿足[7]呀。
- （長谷部豐）改咗佢囉，正所謂唔怕生壞命，最怕改壞名丫嘛。
- （山神Lucy）嗰個人有咗細路，都一定會幫佢改個好普通嘅名，過往好普通嘅生活，令佢背負好普通嘅神話[8]，所以我要佢對呢件事負責！
- （長谷部豐）佢之前話憎架，我仲有chance！
- （山神Lucy）田中先生嘅形象插水插到著咗救生衣都唔識浮喇。
- （一宮大志）我叫你講出嚟，唔係叫你蛇出去呀！
- （山神Lucy）唔好要我用生命值去硬接啦，你俾我做番啲更加似係謝禮嘅嘢，好冇？
第九集《還有嗎 閒暇的內心 累積中》[1][]
- 播放日期：2013年11月13日（PG）
- （千早惠）係，我會整件好sexy嘅衫，益吓班毒到出汁嘅毒男。
- （長谷部豐）Lucy，我哋陣間一齊去食個靚飯咯。
- （一宮塔子）Bye bye見。[5]
- （山神Lucy）今日，三好小姐又試俾田中婆婆捉住，聽佢講耶穌。講起上嚟，因為上次嗰件事，佢對田中婆婆個孫嘅印象好似扣晒分，直插落谷底咁呀，唔會有事掛？／（田中婆婆）阿May姐都有教啦．落啲雞汁兜兩兜咁咪得囉！
- （長谷部薰）正所謂擇日不如撞日，去食飯吹吓水咧？
- （三好紗耶）佢哋兩個真係成個餅印咁。／（山神Lucy）你都覺呀咧？我好肯定如果佢走去同人講其實長谷部豐係女人嘅話，一定會有人中伏架！
- （長谷部薰）你哋見過讓二呀？你哋就好啦，我都好想見吓佢呀，話你哋知丫，讓二係賣飛佛嚟架。
- （長谷部薰）由果陣開始，讓二佢嘅認真程度同埋跟蹤狂鋪癮．．．就同痴漢冇分別。／（山神Lucy）痴得好勻循喎！
- （千早惠）你係第一日識佢咩？呢個人邊有日唔係謝架？唔通佢cos緊矢吹丈？
- （長谷部豐）你…你竟然揀個老臨？
- （長谷部豐）吔屎啦你！
- （山神Lucy）咪誤會呀！我邊有紅都面哂喎！
第十集《待會吧 順便就好吧 超後悔》[]
- 播放日期：2013年11月20日
- （千早惠）其實我有啲嘢想講出嚟。／（一宮塔子）你想趕啲咩出去話？／（千早惠）我唔係想趕啲咩出去呀，我有件事想同你講。
- （千早惠）情緒股恐懼式拋售！
- （千早惠）係喇，塔子小姐，件事係咁樣嘅，我同一宮先生拍開拖一段時間。／（一宮塔子）哥哥同千早你哋兩個有開拖嘅一定係千早勁啲，哥哥應該輸到冇得剩呀。
- （三好紗耶）咪住先呀，我唔係社工或者告解室個神父呀。呀，講起上嚟，我之前同佢一齊去街嗰陣，佢有問過我關於大學嘅事架，話唔定佢宜家仲未決定，個心十五十六，唔諗唔舒服。
- （三好紗耶）呢個人簡直係牛皮燈籠！
- （山神Lucy）我用例子答你丫。
- （三好紗耶）課長你玩過木頭公仔唔準郁架，忍住呀！／（一宮塔子）一啲都唔kawaii，萌又唔夠萌，又唔係農咩精靈嗰啲重口味mix可愛喎，只係隻普通兔仔，啲公務員真係唔係路架！
- （山神Lucy）佢係咪有少少鍾意咗你呢？
- （一宮塔子）大家都喺度同嗰隻公仔講嘢？山神、長谷部同千早都係，大家番去地球啦，大家都思覺咗，要食藥喇？係我搞成嘅？係我大力訓示佢哋大力得制？
- （一宮塔子）咩嘢爛鬼兔仔嚟架？當我lu lu呀？講得冇錯呀，所有公務員都係廢柴嚟架，冇鬼用！你去死啦！全部同我面壁十粒鐘呀！
第十一集《注意了 甜蜜的陷阱 瞄準你》[1][]
- 播放日期：2013年11月27日（PG）
- （山神Lucy）全部都係啲蛇王hotspot嚟，你都知得好清楚喎，課長。
- （一宮大志）你咁樣做同冇豉油亂落醋有咩分別喎？
- （山神Lucy）我宜家就去狸貓換太子，用呢隻A貨換番隻課長番嚟！
- （千早惠）個可愛嘅蘿莉抱住隻大叔公仔，諗落都好變態。
- （長谷部豐）你個body咁健康，又難怪你啲朋友咁講。
- （長谷部豐）雖然我已經集齊晒ero gal game嘅CG喇，但係之後攞返嚟嘅bonus就虧到冇朋友！
- （某人）條友勁到喊呀！
- （千早惠）Load到過熱，燒壞腦喇。
第十二集《要稍等 習慣和大意 會致命》[1][]
- 播放日期：2013年12月4日（PG）
- （千早惠）講得冇錯！見到人哋著自己做嘅衫，真係爽歪歪！
- （千早惠）唔招供就自宮。
第十三集《這就好 明天職場也 樂融融》[1][]
- 播放日期：2013年12月11日
- （千早惠）哎喲，啲咁狗血嘅劇情都遇到，我除咗講恭喜都唔知應該講咩嘢好喇，請你節哀順變啦。
- （三好紗耶）佢喺度壯年癡呆添。
- （長谷部豐父）Lucy？你個衰仔丫連外國菜都嗒埋喇，係威喎，識食呀。
- （千早惠）三好小姐，你呢吓真係靚抽呀。